Inger :: Sykkelblogg

Havørn

Naturopplevelsane er mange på sykkel. Naturen med lyder og lukter kjem nær. Eg har sett mange fuglar eg ikkje kjenner namnet på, men Havørn var ikkje til å ta feil av. Eg såg ein i dag og ein på Senja. Dei er verkeleg store og flotte!

NB. Dette bildet har eg IKKJE teke sjølv. Jo, forresten, eg tok det med mobilen frå eit hefte eg har om Lofoten.

HODE i Eggum

Skulpturen av Markus Raetz frå Sveits er heilt spesiell. Når ein beveger seg rundt dette hodet er det mulig å sjå 16 ulike uttrykk/ansikt. Eg viser her to av dei, der det eine står opp-ned.

Kunstnaren bak speilet eg skreiv om er Dan Graham frå USA.

Stamsund

Eg måtte bare ut ein liten kveldstur, for nå skin sola att. Heile dagen i dag har vore overskya og ganske kald. Det går heilt greitt å sykla, men pauser må helst skje inne, for at eg ikkje skal bli for kald.

Avstanden frå Kabelvåg og hit er bare 65 km. Eg kunne godt ha sykla heilt til Å i dag, men det er godt å ha litt god tid. Så får eg sett meir. I dag har Liv fått meg til å sykla over 4 mil ekstra! - og det er eg glad for! Dermed har eg fått med meg både Borge krk og skulpturen HODE i Eggum. Altertavla i Borge krk viser den oppstandne Kristus, vevd av Else Marie Jakobsen. Ho har jo også vevd Altertavler i vårt distrikt, bl.a. i Bekkefaret krk.

Skulpturlandskap Nordland

Når ein er på veg frå Nordkapp til Lindesnes, kva er det då som får ein til å befinna seg tre km uti utmarka utanfor den vesle bygda Eggum på Vestvågøy i Lofoten? Jo, det er sjølvsagt denne skulptur-jakta. Nå skal de endeleg få litt meir innføring i dette som eg blei klar over for lenge sidan pga at Liv og Harald har vore på ei slik jakt. I heile vinter har eg lånt Liv si bok og lese om kunstverka og plassering og dermed funne ut kva eg kunne få med meg på min tur.

Skulpturlandskap Nordland er ei internasjonal kunstsamling som omfatter 33 kunstverk i like mange kommunar, med inviterte kunstnere frå 18 land. Fylket har ikkje eige kunstmuseum. Derfor blei det lansert den ideen om at fylket skulle få si eiga samling samtidskunst: ein skulptur i kvar kommune, med naturen som galleri. Eg har så langt fått med meg fem av desse. Eksempelet her er som eit stort bua speil, som speiler naturen rundt. Bildet endrar seg når betraktaren flytter på seg. Ser de fotografen i bildet?

Nå kjem sola!

Hadde ikkje tenkt å skriva meir i dag, men nå er det bare nydeleg ute! De skal nok få mange finare bilde enn dette av kvelds- og midnattsol, men eg måtte bare dela gleda! God natt! Eg skal prøva å koma meg i seng snart...

Takk for kommentarar!

Tilbake i Svolvær var eg innom internett på turistinformasjonen. Gildt å få lest kommentarar! Ja, alle foto er tatt med mobiltelefonen Pål har skaffa meg, Leif.

Eg trur eg  må  runde av skrivinga med eit foto frå Henningsvær. På veg heim skal eg avslutta dagen i Svolvær kirke. Og så har eg lova sykkelen litt vask og olje før eg legg meg. Eg er i topp-form. Tålte visst uveret bra. Gler meg til varmen me er lova. Ellers er det å få vera så frisk, i god form og smertefri, noko at det aller største for meg på denne turen! Det forstår nok de best, de som kjenner meg best. Eg takkar Gud heile dagen!

Henningsvær...

...blei neste stopp. Eg skal den vegen i morgon, men har så mange avstikkere eg vil ta her i Lofoten, så eg tok turen i dag. Det blir nok 6 mil i dag også, men utan bagasje var det ein fryd! Henningsvær er kalt Lofotens Venezia. Ein facinerande plass! Med 20 grader meir og mulighet for å sitja ned ute på bryggene, ville det nok minna meg litt meir om byen i Italia eg besøkte saman med Pål i fjor.

I tillegg til Karl Erik Harr si storslåtte kunstsamling og flott lysbilde-show frå Lofoten, besøkte eg glaskunstnar i arbeid, keramikkutsal, strikkeutsal og lysstøyperi. Foto av glaskunstnar og strikkeprodukt.

Galleri Espolin

Neste stopp var Storvågan i Kabelvåg. Der kan ein besøke både Lofotmusèet, Lofotakvariet og galleriet. Eg tok bare det siste. Kaare Espolin Johnson har gitt galleriet namn. Hans samling er ei levande skildring av kystfolket sitt liv og skjebne. Yngve Henriksen var gjeste-utstillar. Fotografiet her er eit av hans verk. Mykje flott! 

På bar i Svolvær

Ja, her sit eg på ein bar, godt og varmt med eit stort krus varm sjokolade med krem. Må få varmen før eg sykler "heim" til Kabelvåg . Eg sit og ser opp på Svolværgeita. Er imponert over at eg fann henne utan å spør om hjelp. Ho er mykje mindre imponerande herifrå enn Preikestolen er sett frå båt på Lysefjorden.

Eg har hatt ein flott dag i området her. Vil illustrere dagen med  ein del foto. Det har vore ein kald dag, men eg er storleg nøgd bare eg får opphald.

Starta dagen med besøk i Lofotkatedralen. Kyrkja med plass til 1200, ligg i Kabelvåg. Vågan kirke er det korrekte namnet på den vakre kors-kirka som er den største trekirka i Nord-Norge. Eg fotograferte tekstiler og fann Salmer-97 og:

Jeg til gi deg, o Herre, min lovsang,
jeg vil takke deg med mine ord,
for din nåde som er uten grenser,
og for godhet og kjærlighet stor.

Jeg vil gjøre mitt liv til en lovsang for deg,
la hver tone en hyllest til deg være,
og i dag dager med gleder og dager med sorg
vil jeg leve hver dag til din ære!

Dagens premiespørsmål...

...kom frå ein gammal mann på kaien i Stokmarknes. Då han forstod kor eg kom ifrå og skulle hen, og til og med at eg hadde familie heime, kom spørsmålet:

" Veit de at du e forren? "

Eg kunne beroliga han med at eg hadde kontakt med dei heime kvar dag.

Eg er ellers  takknemleg for at nokon registrerer når eg er borte i 12 dagar.