Paulus si omvending

Verbum Forlag sin bibelleseplan for kyrkjeåret 2005/2006 fortel at det i dag er Apostelen Paulus sin omvendingsdag, og at denne dagen i gamal norsk tradisjon blir kalla Pålsmesse.

Då kan det jo vera på sin plass å repetera litt omkring Paulus si omvending. Paulus, som då heitte Saulus, var opprinneleg ein av dei som forfulgte dei første kristne, ja, han var faktisk den som organiserte forfølgingar. Så møtte han Jesus i eit syn utanfor Damaskus (i dagens Syria) og dette snudde opp/ned på livet hans. Etter ei tids opplæring blei han den viktigaste teolog og misjonær i den første kristne generasjonen. Omvendinga hans skjedde kort tid etter Jesu død og oppstode, omkring år 33. Meir stoff om Paulus si Damaskusoppleving finn du bl a her.

Eg tar med dei sentrale versa i forteljinga her. Resten kan du lesa i Apostelgjerningane kap 9 i Bibelen. "Saulus rasa endå mot Herrens disiplar og truga dei på livet. Han gjekk til øvstepresten og bad om brev til synagogane i Damaskus, så han kunne finna dei som høyrde Vegen til, både menn og kvinner, og føra dei i lenkjer til Jerusalem. Men då han var på veg og nærma seg Damaskus, stråla det brått eit lys frå himmelen omkring han. Han stupte til jorda og høyrde ei røyst som sa: «Saul, Saul, kvifor forfølgjer du meg?» «Kven er du, Herre?» spurde Saulus. Han svara: «Eg er Jesus, han som du forfølgjer. Stå opp og gå inn i byen! Der skal dei seia deg kva du skal gjera.» Mennene som følgde han, stod mållause; dei høyrde røysta, men såg ikkje nokon."

Det er Lukas som fortel om Paulus si omvending i Apostelgjerningane kapittel 9. Sidan gjengir han historia i talar der Paulus ser tilbake på opplevinga i kap 22 (forsvarstale til folket) og kap 26 (forsvarstale for kong Agrippa II).

Comments

[Trine R.]

Hei Arne:)
Jeg skal ha en presentasjon om Paulus og hans liv. Jeg finner mye likt info.
Så jeg lurte på om du kunne ha tenkt deg og sendt en mail til meg, om hva som er viktig og ha med om Paulus, punktelig nedover. Det hadde vært flott med rask respons fra deg.
Ellers en vakker side, med masse interessant.
Mvh Trine